Убава Глава — археолошко наоѓалиште во прилепското село Чаниште. Претставува тврдина од средниот век. Се наоѓа на околу 1 км североисточно од селото, на надморска височина од 756 м. На површината има остатоци од бедемски ѕидови, градени од кршен камен и обработен камен од месно потекло, широки околу 1,5 м. Во североисточниот дел се гледа дека тврдината имала три појаси и терасно се спуштала по падините на ритчето. Средишната градба се наоѓа на врвот од главата на зарамнетото плато.